ഇന്ന് ഞാൻ ജീവനോടെ ഇരിക്കാൻ കാരണം മനോജ് കെ ജയൻ മഞ്ജു വാര്യർ

മലയാളികളുടെ പ്രിയ നടിയാണ് മഞ്ജു വാര്യർ, മലയാള സിനിമയുടെ ലേഡി സൂപ്പർസ്റ്റാർ കൂടിയായ മഞ്ജു സ്കൂൾ വിദ്യാഭാസ കാലഘട്ടത്തിൽ തന്നെ പ്രതിഭ തെളിയിച്ച് രണ്ട് വർഷം തുടർച്ചയായി കേരള സംസ്ഥാന സ്കൂൾ യുവജനോത്സവത്തിൽ കലാ തിലകം പട്ടം നേടി. 1995-ൽ പുറത്തിറങ്ങിയ സാക്ഷ്യം എന്ന ചലച്ചിത്രത്തിലാണ് ആദ്യമായി അഭിനയിച്ചത്.

തന്റെ 18-മത്തെ വയസ്സിൽ സല്ലാപം (1996) എന്ന ചലച്ചിത്രത്തിലെ നായികാ കഥാപത്രം അവതരിപ്പിച്ച് ശ്രദ്ധേയയായി. അതിൽ നായകനായി അഭിനയിച്ചത് ദിലീപ് ആയിരുന്നു. അതിനു ശേഷം ഏകദേശം 20 ഓളം മലയാള സിനിമകളിൽ മൂന്ന് വർഷത്തെ കാലയളവിൽ വ്യക്തിത്വമുള്ള ഒട്ടേറെ നായികാ കഥാപാത്രങ്ങളിലൂടെ മഞ്ജു പ്രേക്ഷകരെ വിസ്മയിപ്പിച്ചു.

1999ൽ കണ്ണെഴുതി പൊട്ടൂം തൊട്ട് എന്ന ചിത്രത്തിലെ അഭിനയത്തിന് ദേശീയ ജൂറിയുടെ പ്രത്യേക പരാമർശവും ലഭിച്ചു. നടൻ ദിലീപുമായിട്ടുള്ള വിവാഹത്തിനു ശേഷം മഞ്ജു വാര്യർ സിനിമ അഭിനയം നിർത്തി. 14 വർഷങ്ങൾക്കു ശേഷം 2012 ഒക്ടോബർ 24 നാണ് മഞ്ജു വാര്യർ വീണ്ടും അരങ്ങിലെത്തിയത്. എന്നാൽ 2014ൽ പുറത്തിറങ്ങിയ ഹൗ ഓൾഡ് ആർ യൂ എന്ന ചിത്രത്തിലൂടെയാണ് മികച്ച നർത്തകിയുമായ മഞ്ജു സിനിമയിൽ സജീവമാകുന്നത്.

സല്ലാപം എന്ന ചിത്രത്തിലൂടെയാണ് മഞ്ജു വാര്യർ എന്ന നടിയെ മലയാളി പ്രേക്ഷകർ ശ്രദ്ധിച്ചു തുടങ്ങിയത്, ചിത്രത്തിൽ ക്ലൈമാക്സ് ചിത്രീകരണ സമയത്ത് മഞ്ജു ആത്മഹത്യക്ക് ശ്രമിച്ചു എന്ന രീതിയിൽ അന്ന് ഏറെ വാർത്തകൾ സൃഷ്ടിച്ചിരുന്നു.എന്നാൽ അതിന്റെ പിന്നിലെ യാഥാർഥ സംഭവത്തെ കുറിച്ചു സ്വകാര്യ ചാനലിന് നൽകിയ അഭിമുഖത്തിൽ മഞ്ജു വെളുപ്പടുത്തിയത് ഇങ്ങനെ ആയിരുന്നു;

സിനിമയിൽ കാമുകന്‍ ശശികുമാറിനെ (ദിലീപ്) നഷ്ടപ്പെട്ട രാധ (മഞ്ജു വാര്യര്‍), അഭയമില്ലാതെ ട്രെയിനിന് മുന്നില്‍ ചാടി ആത്മഹത്യ ചെയ്യാന്‍ ഓടുകയാണ്. രക്ഷിക്കാന്‍ പിന്നാലെ ദിവാകരന്‍ (മനോജ് കെ ജയന്‍) ഓടിവരുന്നതാണ് ക്ലൈമാക്‌സിലെ രംഗം. എന്നാല്‍ കഥാപാത്രത്തെ ആവാഹിച്ച മഞ്ജു, അഭിനയിക്കുകയായിരുന്നില്ല. ഏതോ ഒരു അമാനുഷിക ശക്തി തന്നെ ഓടാന്‍ പ്രേരിപ്പിച്ചു എന്നാണ് മഞ്ജു പറഞ്ഞത്.

ട്രെയിന്‍ അരികത്ത് എത്തിയപ്പോഴാണ് മനോജ് കെ ജയന് അപകടം തിരിച്ചറിഞ്ഞത്. മഞ്ജു പിന്നെയും പാളത്തിലേക്ക് ഓടിക്കയറാന്‍ ശ്രമിച്ചപ്പോള്‍ മനോജ് കെ ജയന്‍ പിടിച്ചുവച്ചു, എന്നിട്ടും അടങ്ങാതായപ്പോള്‍ ചെകിട്ടത്ത് ഒന്ന് പൊട്ടിച്ചുവത്രെ. ആ ഷോട്ട് കഴിയുമ്പോഴേക്കും മഞ്ജു ബോധം കെട്ടു വീഴുകയും ചെയ്യുകയായിരുന്നത്രെ.

എന്തായലും മനോജ് കെ ജയൻ അന്ന് രക്ഷിച്ചത് മഞ്ജു വാര്യർ എന്ന വ്യക്തിയെ മാത്രമായിരുന്നില്ല, മികച്ച ഒരു അഭിനയെത്രിയെ കൂടിയായിരുന്നു.