Breaking News
Home / Lifestyle / ഇന്ത്യന്‍ ഡ്രൈവിങ് ലൈസന്‍സിന് യുഎഇയില്‍ അംഗീകാരം

ഇന്ത്യന്‍ ഡ്രൈവിങ് ലൈസന്‍സിന് യുഎഇയില്‍ അംഗീകാരം

അബുദാബി: ഇന്ത്യയും യുഎഇയും തമ്മിലുള്ള ബന്ധം ഊട്ടി ഉറപ്പിക്കാന്‍ സഹകരണത്തിന്റെ പുത്തന്‍ മേഖലകളില്‍ ശ്രദ്ധയൂന്നണമെന്ന് യുഎഇ സഹിഷ്ണുതാ മന്ത്രി ഷെയ്ഖ് നഹ്യാന്‍ ബിന്‍ മുബാറക് അല്‍ നഹ്യാന്‍. ഇരുരാജ്യങ്ങളുടെയും വികസനത്തില്‍ പരസ്പരം പങ്കാളികളാകാമെന്നതാണ് നേട്ടമെന്നും അദ്ദേഹം പറഞ്ഞു. രണ്ടാമത് ഇന്ത്യായുഎഇ സ്ട്രാറ്റജിക് കോണ്‍ക്ലേവില്‍ മുഖ്യപ്രഭാഷണം നടത്തുകയായിരുന്നു ഷെയ്ഖ് നഹ്യാന്‍.

ഇരുരാജ്യങ്ങളിലെയും നിക്ഷേപസാധ്യതകള്‍ തുറന്നിട്ട സമ്മേളനത്തില്‍ എണ്ണ, ഊര്‍ജ മേഖലകളിലടക്കം കൂടുതല്‍ സഹകരണത്തിനും ധാരണയായി.

അതേസയം പ്രവാസികള്‍ക്ക് കൂടുതല്‍ സന്തോഷമുള്ള കാര്യമാണ് സമ്മേളനത്തില്‍ തീരുമാനമായത്. രാജ്യാന്തര നിലവാരത്തിലുള്ള ഡ്രൈവിങ് പരിശീലനം മൂലം ഇന്ത്യന്‍ ലൈസന്‍സ് യുഎഇയില്‍ അംഗീകരിക്കാന്‍ ധാരണയായിട്ടുണ്ട്. ഇന്ത്യയില്‍ ഇല്ലാത്ത ഒരു ടെസ്റ്റിന് മാത്രം യുഎഇയിലെത്തി ഹാജരായാല്‍ മതിയെന്നാണ് പുതിയ തീരുമാനം.

അബുദാബിയിലെ എണ്ണ, ഊര്‍ജ ഉല്‍പാദന മേഖലകളില്‍ ഇന്ത്യന്‍ കമ്പനികള്‍ കൂടുതല്‍ നിക്ഷേപം നടത്താന്‍ ധാരണയായിട്ടുണ്ടെന്ന് ഇന്ത്യന്‍ സ്ഥാനപതി നവ്ദീപ് സിങ് സൂരി സൂചിപ്പിച്ചു. ലോവര്‍ സക്കം എണ്ണപ്പാടത്തില്‍നിന്ന് വര്‍ഷത്തില്‍ 15 ലക്ഷം ടണ്‍ ബാരല്‍ എണ്ണ 40 വര്‍ഷത്തേക്ക് ഇന്ത്യയ്ക്ക് നല്‍കാന്‍ ധാരണയായിട്ടുണ്ടെന്നും പറഞ്ഞു

സ്‌കില്‍ മാപ്പിങ് പദ്ധതി മൂന്നു മാസത്തിനകം റിക്രൂട്‌മെന്റ് നടപടികള്‍ സുതാര്യമാക്കാന്‍ യുഎഇയുമായി ചേര്‍ന്ന് ഇന്ത്യ സ്‌കില്‍ മാപ്പിങ് പദ്ധതി നടപ്പാക്കാന്‍ ആലോചിക്കുന്നതായി ഇന്ത്യന്‍ സ്ഥാനപതി വെളിപ്പെടുത്തി. ഇതനുസരിച്ച് വിദഗ്ധരായ തൊഴിലാളികളെ വാര്‍ത്തെടുത്ത് പരിശീലനം നല്‍കി യുഎഇയിലെത്തിക്കും.

മാത്രമല്ല വിദേശ നിക്ഷേപകര്‍ക്ക് ഇന്ത്യയില്‍ നേരിടേണ്ടിവന്നിരുന്ന പ്രശ്‌നങ്ങള്‍ പ്രധാനമന്ത്രി നരേന്ദ്രമോഡിയുടെ ശ്രദ്ധയില്‍പെടുത്തിയതോടെ അവയെല്ലാം പരിഹരിച്ചതായി ലുലു ഗ്രൂപ്പ് ചെയര്‍മാനും എംഡിയുമായ എംഎ യൂസഫലി ചൂണ്ടിക്കാട്ടി.

ടൈംസ് സ്ട്രാറ്റജിക് സൊല്യൂഷന്‍സ് പ്രസിഡന്റും വേള്‍ഡ് വൈഡ് മീഡിയ സിഇഒയുമായ ദീപക് ലാംബ, രാജ്യാന്തര നിക്ഷേപക കൌണ്‍സില്‍ സെക്രട്ടറി ജനറല്‍ ജമാല്‍ അല്‍ ജര്‍വാന്‍, യുഎഇ ബഹിരാകാശ ഏജന്‍സി ഡയറക്ടര്‍ ജനറല്‍ ഡോ എന്‍ജിനീയര്‍ മുഹമ്മദ് അലഹ്ബാബി, യുഎഇ ഇന്ത്യ ബിസിനസ് കൗണ്‍സില്‍ ചെയര്‍മാന്‍ ഷറഫുദ്ദീന്‍ ഷറഫ്, എസ്സാര്‍ പോര്‍ട്‌സ് സിഇഒയും എംഡിയുമായ രാജീവ് അഗര്‍വാള്‍,

ഫെഡറേഷന്‍ ഓഫ് ഇന്ത്യന്‍ ചേംബേഴ്‌സ് ഓഫ് കൊമേഴ്‌സ് ആന്‍ഡ് ഇന്‍ഡസ്ട്രി സെക്രട്ടറി ജനറല്‍ ദിലീപ് ചെനോയി, കല്യാണ്‍ ജ്വല്ലറി ഗ്രൂപ്പ് ചെയര്‍മാന്‍ ടിഎസ് കല്യാണരാമന്‍, ലുലു എക്‌സ്‌ചേഞ്ച് എംഡി അദീബ് അഹ്മദ് തുടങ്ങി വിവിധ രംഗങ്ങളിലെ 50ഓളം വിദഗ്ധര്‍ പങ്കെടുത്തു.

സമ്മേളനത്തോടൊപ്പം പുറത്തിറക്കിയ ബെസ്റ്റ് ലൈഫ്‌സ്‌റ്റൈല്‍ ബ്രാന്‍ഡ്‌സ്, ബെസ്റ്റ് റിയല്‍റ്റി ബ്രാന്‍ഡ്‌സ് എന്നീ കോഫി ടേബിള്‍ പുസ്തകങ്ങള്‍ ഷെയ്ഖ് നഹ്യാന്‍ പ്രകാശനം ചെയ്തു

About Intensive Promo

Leave a Reply

Your email address will not be published.