Breaking News
Home / Lifestyle / ബാത്‌റൂമിലെ വാട്ടര്‍ ഹീറ്റര്‍ പൊട്ടിത്തെറിച്ചു ഉറങ്ങിക്കിടന്ന ദമ്പതികള്‍ക്കും മക്കള്‍ക്കും ദാരുണാന്ത്യം

ബാത്‌റൂമിലെ വാട്ടര്‍ ഹീറ്റര്‍ പൊട്ടിത്തെറിച്ചു ഉറങ്ങിക്കിടന്ന ദമ്പതികള്‍ക്കും മക്കള്‍ക്കും ദാരുണാന്ത്യം

തിരുപ്പതി: ബാത്‌റൂമിലെ വാട്ടര്‍ ഹീറ്റര്‍ പൊട്ടിത്തെറിച്ച് ഒരു കുടുംബത്തിലെ നാലുപേര്‍ക്ക് ദാരുണാന്ത്യം. തിരുപ്പതി ഏര്‍പ്പേടുമണ്ഡല്‍ സ്വദേശികളായ ശ്രീനിവാസുലു റെഡ്ഡി, ഭാര്യ ഭുജ്ജമ്മ, മക്കളായ നിധിന്‍, ഭവ്യ എന്നിവരാണ് മരിച്ചത്.

ഞായറാഴ്ച രാവിലെയാണ് സംഭവം. സംഭവസമയം നാലുപേരും ഉറങ്ങുകയായിരുന്നു.
കുളിമുറിയില്‍ സ്ഥാപിച്ചിരുന്ന വാട്ടര്‍ഹീറ്ററിലെ ഗ്യാസ് സിലിണ്ടറില്‍ ചോര്‍ച്ചയുണ്ടായതാണ് അപകടത്തിന് കാരണമെന്നാണ് പ്രാഥമികനിഗമനം.

വാട്ടര്‍ഹീറ്ററിലെ ഗ്യാസ് സിലിണ്ടറില്‍ ചോര്‍ച്ചയുണ്ടായ സമയം കുളിമുറിയിലെ ബള്‍ബുകള്‍ ഓണായിരുന്നത് വന്‍ പൊട്ടിത്തെറിക്ക് കാരണമായി.
ഉഗ്രസ്‌ഫോടനശബ്ദം കേട്ട് സമീപവാസികളും നാട്ടുകാരും ഓടിയെത്തിയെങ്കിലും നിമിഷനേരം കൊണ്ട് തീ പടര്‍ന്നുപിടിച്ചു.

പിന്നീട് അഗ്നിശമനസേനയും പോലീസും ചേര്‍ന്നാണ് തീയണച്ചത്. സംഭവത്തില്‍ കേസെടുത്തതായും അന്വേഷണം തുടങ്ങിയതായും പോലീസ് അറിയിച്ചു.

About Intensive Promo

Leave a Reply

Your email address will not be published.