Breaking News
Home / Lifestyle / ഭഗവാന് അറിയാം ഭഗവാനെ കാക്കാൻ പമ്പാ തീരത്ത്‌ വീണ്ടും കനത്ത മഴ

ഭഗവാന് അറിയാം ഭഗവാനെ കാക്കാൻ പമ്പാ തീരത്ത്‌ വീണ്ടും കനത്ത മഴ

ശബരിമലയില്‍ യുവതികളെ പ്രവേശിപ്പിക്കണമെന്ന സുപ്രീംകോടതി വിധിയ്ക്ക് പിന്നാലെ പലരും പല അഭിപ്രായങ്ങളുമായാണ് രംഗത്ത് വരുന്നത്. കേരളത്തെ വിഴുങ്ങിയ മഹാപ്രളയത്തിന് കാരണം അയ്യപ്പകോപമാണെന്നും യുവതികള്‍ ശബരിമല ക്ഷേത്രത്തില്‍ കയറാന്‍ പാടില്ലെന്നും 41 ദിവസത്തെ ഭജനമിരുന്നു വേണം മല ചവിട്ടാനെന്നുമൊക്കെ സോഷ്യൽ മീഡിയയിൽ ചർച്ചയ്ക്ക് ചൂട് കൂടുമ്പോൾ പമ്പയിൽ വീണ്ടും കനത്ത മഴ തുടരുന്നു.

ശബരിമലയില്‍ ഉടന്‍ പ്രവേശിക്കുമെന്ന് തൃപ്തി ദേശായി വെളിപ്പെടുത്തിയതിന് പിന്നാലെ ഭക്ത ജനങ്ങൾ ശക്തമായി എതിർപ്പ് പ്രകടിപ്പിച്ച് രംഗത്തെത്തിയിരുന്നു. ഈ ചർച്ചകൾക്കിടയിലാണ് പമ്പയിൽ കനത്ത മഴ തുടങ്ങിയത്. ഇത് അയ്യപ്പകോപമാണെന്നും, ഭഗവാനെ കാക്കാൻ ഭഗവാന് അറിയാമെന്നും സോഷ്യൽ മീഡിയയിൽ പ്രതികരണങ്ങൾ ഉയരുന്നുണ്ട്.

തുലാമാസ പൂജകള്‍ക്കുള്ള ഒരുക്കങ്ങള്‍ അതിവേഗം പൂര്‍ത്തിയാക്കുന്നതിനിടയിലാണ് കലിതുള്ളി പെരുമഴ പമ്പയിൽ താണ്ഡവമാടുന്നത്. ഒരുക്കങ്ങളെല്ലാം 80 ശതമാനത്തോളം പൂര്‍ത്തിയായെങ്കിലും ശബരിമല തീർത്ഥാടന പാതയിൽ റോഡിന്റെ സംരക്ഷണ ഭിത്തികളുടെ നിർമ്മാണം ഇപ്പോഴും അനിശ്ചിതത്വത്തിലാണ്.

മണ്ഡല മകരവിളക്ക് മഹോത്സവത്തിന് മുന്നോടിയായി നിർമ്മാണം അതിവേഗം പൂര്‍ത്തിയാക്കണമെന്ന് മുഖ്യമന്ത്രി പിണറായി വിജയൻ ദേവസ്വം ബോര്‍ഡിന് നിർദ്ദേശം നൽകിയെങ്കിലും ഈ സാഹചര്യത്തിൽ ഇത് എളുപ്പമാകില്ല. ളാഹ മുതൽ പമ്പ വരെ പത്തിടങ്ങളിലാണ് കോൺക്രീറ്റ് ചെയ്ത് ബലപ്പെടുത്തേണ്ടത്. തുലാമഴ ശക്തമായതുകൊണ്ടു തന്നെ ഇതുവഴിയുള്ള യാത്ര തികച്ചും ദുഷ്ക്കരമായിരിക്കും.

അതേ സമയം രണ്ട് ജില്ലകളില്‍ കാലാവസ്ഥ നിരീക്ഷണ കേന്ദ്രം യെല്ലോ അലര്‍ട്ട് പ്രഖ്യാപിച്ചിരിക്കുകയാണ്. ഇടുക്കിയിലും വയനാട്ടിലുമാണ് യെല്ലോ അലര്‍ട്ട് പ്രഖ്യാപിച്ചിരിക്കുന്നത്. ഇടുക്കിയില്‍ നാളെ മുതല്‍ 16 വരെയും വയനാട്ടില്‍ നാളെയും മറ്റന്നാളും ശക്തമായ മഴ പെയ്യും. അറബിക്കടലില്‍ ലുബാന്‍ ചുഴലിക്കാറ്റും ബംഗാള്‍ ഉള്‍ക്കടലില്‍ ന്യൂനമര്‍ദവും ശക്തമായി തുടരുന്നു. ഇതിന്റെ പ്രതിഫലനമായി കേരളത്തില്‍ വരും ദിവസങ്ങളില്‍ വ്യാപകമായി മഴ പെയ്യുന്നതെന്ന് കാലാവസ്ഥ നിരീക്ഷണ കേന്ദ്രം അറിയിച്ചിരിക്കുന്നത്.

About Intensive Promo

Leave a Reply

Your email address will not be published.