Breaking News
Home / Lifestyle / ലൂസിക്ക് കൈയ്യടിച്ച് ജനം വിശ്വാസികൾ പള്ളി യോഗത്തിൽ ഇരച്ചു കയറി നടപടി പിൻവലിച്ചു

ലൂസിക്ക് കൈയ്യടിച്ച് ജനം വിശ്വാസികൾ പള്ളി യോഗത്തിൽ ഇരച്ചു കയറി നടപടി പിൻവലിച്ചു

മാനന്തവാടി രൂപതയിലെ കന്യാസ്ത്രീയുടെ മത ചടങ്ങുകൾ വിലക്കിയ നടപടിക്കെതിരേ ജന രോക്ഷം.
വിശ്വാസികൾ പള്ളി യോഗത്തിൽ ഇരച്ചു കയറി സംഘർഷം ഉണ്ടാക്കി, വിശ്വാസികൾ ലൂസിക്കു വേണ്ടി പ്രകടനവും നടത്തി. കളി കൈയ്യിൽ ഒതുങ്ങില്ലെന്ന് കണ്ടപ്പോൾ രൂപതയും വികാരിയും നടപടി രേഖാ മൂലം പിൻ വലിച്ച് തടി തപ്പി. വേദപാഠം, വിശുദ്ധ കുര്‍ബാന നല്‍കല്‍,

ഇടവക പ്രവർത്തനം എന്നിവയില്‍ പങ്കെടുക്കുന്നതില്‍ നിന്നായിരുന്നു സിസ്റ്റര്‍ ലൂസിയെ വിലക്കിയത്. സിസ്റ്റര്‍ ലൂസി കളപ്പുരയ്ക്കലിനെതിരായ നടപടി പിന്‍വലിക്കണമെന്ന് ആവശ്യപ്പെട്ട് വയനാട് കാരക്കാമല പള്ളിയില്‍ വിശ്വാസികള്‍ സംഘര്‍ഷത്തില്‍ ഏര്‍പ്പെട്ടതിന് പിന്നാലെയാണ് നടപടി പിന്‍വലിച്ചത്.ഇന്നലെ കാത്തലിക് ലേമസ് പ്രവർത്തകർ വയനാട് പുല്പള്ളിയിൽ പ്രകടനം നടത്തിയിരുന്നു

വിശ്വാസികള്‍ പാരിഷ് കൗണ്‍സില്‍ യോഗത്തിലേക്ക് തള്ളിക്കയറുകയായിരുന്നു. വൈകിട്ട് അഞ്ചുമണിയോട് കൂടി വിശ്വാസികള്‍ കൂട്ടമായി എത്തി ഇടവക വികാരി സ്റ്റീഫനോട് കാര്യങ്ങളെക്കുറിച്ച് അന്വേഷിച്ചു. സിസ്റ്ററിന് ഏര്‍പ്പെടുത്തിയിരിക്കുന്ന വിലക്ക് പൂര്‍ണ്ണമായും മാറ്റണമെന്നും ഇവരാവശ്യപ്പെട്ടു. ഇടവക സമൂഹത്തോട് നന്ദി പറഞ്ഞ സിസ്റ്റര്‍ ലൂസി തനിക്കെതിരെയുള്ള നടപടി പിന്‍വലിച്ചതില്‍ വലിയ സന്തോഷം പ്രകടിപ്പിക്കുകയും ചെയ്തു. സഭയിലെ കൊള്ളരുതായ്മക്കെതിരെ ഇനിയും പോരാടുമെന്നും ഒരു തരത്തിലുള്ള വീട്ടുവീഴ്ചക്കും തയ്യാറല്ലെന്നും സിസ്റ്റര്‍ പറഞ്ഞു.

സന്യാസസമൂഹത്തിന് ചേരാത്ത നിലപാടുകളാണ് സിസ്റ്റര്‍ ലൂസിയുടേതെന്നായിരുന്നു ഫ്രാന്‍സിസ്കന്‍ ക്ലാരിസ്റ്റ് കോണ്‍ഗ്രിഗേഷന്‍ സംഭവത്തെ തുടര്‍ന്ന് പറഞ്ഞത്. ഇവര്‍ അച്ചടക്ക നടപടികള്‍ നേരിട്ട് വരികയാണെന്നും 2003 ല്‍ തന്നെ സിസ്റ്ററിന് രേഖാമൂലം മുന്നറിയിപ്പ് നല്‍കിയിട്ടുണ്ടെന്നുമായിരുന്നു കോണ്‍ഗ്രിഗേഷന്‍ പ്രതിനിധികള്‍ പറഞ്ഞത്. എന്നാല്‍ സിസ്റ്റര്‍ ലൂസിക്ക് കുടുംബത്തിന്‍റെയും വിശ്വാസികളുടെയും പൂര്‍ണ്ണ പിന്തുണയാണ് ഉണ്ടായിരുന്നത്

About Intensive Promo

Leave a Reply

Your email address will not be published.