Breaking News
Home / Latest News / സോ​ഫ്ട്‌വെ​യ​ർ എ​ൻ​ജി​നി​യ​റിൽനിന്ന് ആത്മവിശ്വാസത്തോടെ ഐപിഎസിലേക്ക് പൂ​ങ്കു​ഴ​ലി​ ഐ​പി​എ​സ്

സോ​ഫ്ട്‌വെ​യ​ർ എ​ൻ​ജി​നി​യ​റിൽനിന്ന് ആത്മവിശ്വാസത്തോടെ ഐപിഎസിലേക്ക് പൂ​ങ്കു​ഴ​ലി​ ഐ​പി​എ​സ്

‘സ്ത്രീ​ക​ൾ​ക്ക് പ​റ്റി​യ ജോ​ലി​യ​ല്ല ഐ​പി​എ​സ് എ​ന്നാ​ണ് പ​ല​രു​ടെ​യും ധാ​ര​ണ. എ​ന്നാ​ൽ മ​റ്റേ​തു ജോ​ലി പോ​ലെ​ത​ന്നെ​യാ​ണ് ഐ​പി​എ​സും. ഈ ​ജോ​ലി​യി​ൽ ഞാ​ൻ പൂ​ർ​ണ സം​തൃ​പ്ത​യാ​ണ്.’- കൊ​ച്ചി സി​റ്റി​യു​ടെ ക്ര​മ​സ​മാ​ധാ​ന ചു​മ​ത​ല​യു​ള്ള ഡെ​പ്യൂ​ട്ടി പോ​ലീ​സ് ക​മ്മീ​ഷ​ണ​ർ ജി. ​പൂ​ങ്കു​ഴ​ലി​യു​ടെ വാ​ക്കു​ക​ളാ​ണി​ത്. സോ​ഫ്ട്‌വെ​യ​ർ എ​ൻ​ജി​നി​യ​ർ എ​ന്ന പ​ദ​വി വി​ട്ട് അ​പ്ര​തീ​ക്ഷി​ത​മാ​യി ഇ​ന്ത്യ​ൻ പോ​ലീ​സ് സ​ർ​വീ​സ് നേ​ടി​യെ​ടു​ത്ത പൂ​ങ്കു​ഴ​ലി​യു​ടെ വാ​ക്കു​ക​ളി​ൽ ആ​ത്മ​വി​ശ്വാ​സ​ത്തി​ന്‍റെ നി​റ​വ്.

കൊ​ച്ചി​യു​ടെ ഓ​രോ പ്ര​ഭാ​ത​വും കൂ​ടു​ത​ൽ സു​ര​ക്ഷി​ത​മാ​ക്കാ​നു​ള്ള ശ്ര​മ​ത്തി​നു പി​ന്നി​ലാ​ണു പൂ​ങ്കു​ഴ​ലി​യി​പ്പോ​ൾ. ഭാ​ര്യ ഡെ​പ്യൂ​ട്ടി പോ​ലീ​സ് ക​മ്മീ​ഷ​ണ​റാ​യി എ​ത്തി​യ​പ്പോ​ൾ, ഇ​ന്ത്യ​ൻ കോ​സ്റ്റ് ഗാ​ർ​ഡ് കൊ​ച്ചി​യി​ലെ ഡെ​പ്യൂ​ട്ടി ക​മാ​ൻ​ഡ​ന്‍റാ​യ ഭ​ർ​ത്താ​വ് ര​വി​ശ​ങ്ക​റു​ടെ പൂ​ർ​ണ​പി​ന്തു​ണ കൂ​ടി​യാ​കു​ന്പോ​ൾ പൂ​ങ്കു​ഴ​ലി​യു​ടെ ഓ​രോ ചു​വ​ടും ശ​ക്ത​മാ​യി​ത്ത​ന്നെ മു​ന്നോ​ട്ടു​നീ​ങ്ങു​ക​യാ​ണ്.

ജൂ​ണ്‍ 13-ന് ​കൊ​ച്ചി ഡി​സി​പി​യാ​യി ചാ​ർ​ജെ​ടു​ത്ത പൂ​ങ്കു​ഴ​ലി​യ്ക്കു തു​ട​ർ​ന്നു​ള്ള ദി​വ​സ​ങ്ങ​ൾ തി​ര​ക്കിന്‍റേ​തു​ത​ന്നെ​യാ​യി​രു​ന്നു. കൊ​ച്ചി​യി​ലെ ഗ​താ​ഗ​ത​ക്കു​രു​ക്കു ത​ന്നെ​യാ​ണ് പ്ര​ധാ​ന വി​ഷ​യം. ഒ​പ്പം സ്ത്രീ ​സു​ര​ക്ഷ​യ്ക്കു​വേ​ണ്ടി​യു​ള്ള മു​ൻ​ക​രു​ത​ലു​ക​ളും… അ​ങ്ങ​നെ അ​ഭി​മു​ഖ​ത്തി​നാ​യി കാ​ത്തി​രു​ന്ന​ത് ഒ​രാ​ഴ്ച… ഓ​ഫീ​സി​ലെ​ത്തി​യ​പ്പോ​ൾ നി​റ​ഞ്ഞ ചി​രി​യു​മാ​യി അ​വ​ർ ഞ​ങ്ങ​ളെ സ്വീ​ക​രി​ച്ചു… അ​ഭി​മു​ഖ​ത്തി​ന് സ​മ​യം ന​ൽ​കാ​ൻ താ​മ​സി​ച്ച​തി​നു​ള്ള ക്ഷ​മാ​പ​ണ​വും പി​ന്നാ​ലെ​യു​ണ്ടാ​യി. പെ​ട്ടെ​ന്നു തീ​ർ​ക്ക​ണം, പു​റ​ത്തു പ​രാ​തി​ക്കാ​ർ ഒ​ത്തി​രി​യു​ണ്ടെ​ന്ന മു​ഖ​വു​ര​യോ​ടെ​യാ​ണു സം​സാ​രം തു​ട​ങ്ങി​യ​ത്… ജി.​പൂ​ങ്കു​ഴ​ലി​യു​ടെ വി​ശേ​ഷ​ങ്ങ​ളി​ലേ​ക്ക്….

സോ​ഫ്‌ട്‌വെയ​ർ എ​ൻ​ജി​നി​യ​റി​ൽ നി​ന്ന് ഐ​പി​എ​സി​ലേ​ക്ക്

ഇ​ല​ക്ട്രോ​ണി​ക് എ​ൻ​ജി​നീ​യ​റിം​ഗ് ബി​രു​ദ​ധാ​രി​യാ​യ ഞാ​ൻ സോ​ഫ്ട്‌വെ​യ​ർ എ​ൻ​ജി​നി​യ​റാ​യി ജോ​ലി ചെ​യ്യു​ക​യാ​യി​രു​ന്നു. ആ ​ജോ​ലി എ​നി​ക്ക​ത്ര ഇ​ഷ്ട​മാ​യി​രു​ന്നി​ല്ല. നാ​ലു ചു​വ​രു​ക​ൾ​ക്കു​ള്ളി​ൽ അ​ട​ച്ചു​പൂ​ട്ടി​യി​രി​ക്കാ​ൻ ഞാ​ൻ ആ​ഗ്ര​ഹി​ച്ചി​രു​ന്നി​ല്ല. അ​ങ്ങ​നെ​യാ​ണ് സി​വി​ൽ സ​ർ​വീ​സ് എ​ഴു​ത​ണ​മെ​ന്ന മോ​ഹ​മു​ണ്ടാ​യ​ത്. സി​വി​ൽ സ​ർ​വീ​സ് പ​ദ​വി​യി​ലു​ള്ള പ​ല​രു​മാ​യും സം​സാ​രി​ച്ചു.

സ്ത്രീ​ക​ൾ​ക്ക് ഐ​പി​എ​സ് അ​ത്ര​യ്ക്ക് വ​ഴ​ങ്ങി​ല്ലെ​ന്നാ​യി​രു​ന്നു പ​ല​രു​ടെ​യും അ​ഭി​പ്രാ​യം. കു​ടും​ബ​ജീ​വി​ത​ത്തി​ലേ​ക്ക് വ​രു​ന്പോ​ൾ അ​ത് പ്ര​ശ്ന​മാ​കു​മെ​ന്ന് പ​ല​രും പ​റ​ഞ്ഞു. അ​ങ്ങ​നെ മൂ​ന്നു ത​വ​ണ​യും ഞാ​ൻ ഐ​പി​എ​സ് എ​ന്ന ഓ​പ്ഷ​ൻ കൊ​ടു​ക്കാ​തെ പ​രീ​ക്ഷ​യെ​ഴു​തി. നാ​ലാം ത​വ​ണ സെ​ക്ക​ൻ​ഡ് ഓ​പ്ഷ​നി​ൽ ഐ​പി​എ​സ് കൊ​ടു​ത്തു. അ​ത്ത​വ​ണ പ​രീ​ക്ഷ​യി​ൽ വി​ജ​യി​ച്ചു. 2014-ൽ ​അ​പ്ര​തീ​ക്ഷി​ത​മാ​യി ഐ​പി​എ​സി​ലേ​ക്ക് എ​ത്തി എ​ന്നു​ത​ന്നെ പ​റ​യു​ന്ന​താ​യി​രി​ക്കും ഉ​ചി​തം. ത​മി​ഴ്നാ​ട് ക​രൂ​ർ സ്വ​ദേ​ശി​യാ​യ ഞാ​ൻ പ്ല​സ്ടു ക​രൂ​രി​ലും എ​ൻ​ജി​നി​യ​റിം​ഗ് കോ​യ​ന്പ​ത്തൂ​രി​ലു​മാ​ണ് പ​ഠി​ച്ച​ത്.

കേ​ര​ള കേ​ഡ​റി​ലേ​ക്ക്

ആ ​വ​ർ​ഷം ത​ന്നെ സ്റ്റേ​റ്റ് സ​ർ​വീ​സി​ൽ ഡെ​പ്യൂ​ട്ടി ക​ള​ക്ട​ർ പ​രീ​ക്ഷ​യും വി​ജ​യി​ച്ചി​രു​ന്നു. നാ​ലാം റാ​ങ്ക് ഉ​ണ്ടാ​യി​രു​ന്നു. കൂ​ടാ​തെ ആ​ർ​ബി​ഐ​യി​ൽ ഗ്രേ​ഡ് ബി ​പോ​സ്റ്റും ല​ഭി​ച്ചു. എ​ങ്കി​ലും ഞാ​ൻ സി​വി​ൽ സ​ർ​വീ​സ് ത​ന്നെ​യാ​ണ് തെ​ര​ഞ്ഞെ​ടു​ത്ത​ത്.

കേ​ര​ള കേ​ഡ​റി​ലാ​യി​രു​ന്നു നി​യ​മ​നം. ആ​റു മാ​സ​ത്തെ എ​എ​സ്പി അ​ണ്ട​ർ ട്രെ​യി​നി പ​രി​ശീ​ല​ന​ത്തി​നു​ശേ​ഷം 2016-ൽ ​ച​ക്ക​ര​ക്ക​ൽ പോ​ലീ​സ് സ്റ്റേ​ഷ​നി​ൽ എ​സ്എ​ച്ച്ഒ ആ​യി നി​യ​മ​നം ല​ഭി​ച്ചു. തു​ട​ർ​ന്ന് പാ​ല​ക്കാ​ട് എ​എ​സ്പി ആ​യി. 2018-ൽ ​എ​സ്പി​യാ​യി. തൃ​ശൂ​രി​ൽ കെഎ​പി ഒ​ന്നാം ബ​റ്റാ​ലി​യ​ൻ ക​മ്മാ​ൻ​ഡ​ന്‍റ്, ഇ​ന്ത്യ​ൻ റി​സ​ർ​വ് ബ​റ്റാ​ലി​യ​ന്‍റെ അ​ധി​ക ചു​മ​ത​ല എ​ന്നി​വ ല​ഭി​ച്ചു. അ​തി​നു​ശേ​ഷ​മാ​ണ് കൊ​ച്ചി​യി​ലേ​ക്ക് എ​ത്തു​ന്ന​ത്.

? ഐ​പി​എ​സ് കി​ട്ടി നി​യ​മ​ന സ​മ​യ​ത്താ​ണോ ആ​ദ്യ​മാ​യി കേ​ര​ള​ത്തി​ൽ എ​ത്തു​ന്ന​ത്

അ​തേ, അ​തി​നു​മു​ന്പ് കേ​ര​ള​ത്തി​ലേ​ക്ക് വ​ന്നി​ട്ടി​ല്ല. കേ​ര​ളീ​യ​ർ വ​ള​രെ സ്നേ​ഹ​മു​ള്ള​വ​രാ​ണ്.

? ഇ​തു​വ​രെ​യു​ള​ള ക​രി​യ​റി​ൽ വെ​ല്ലു​വി​ളി​യാ​യ കേ​സ് അ​ന്വേ​ഷ​ണ​ങ്ങ​ൾ. സം​തൃ​പ്തി തോ​ന്നി​യ പ​രാ​തി തീ​ർ​പ്പാ​ക്ക​ൽ

വ​ട​ക്കാ​ഞ്ചേ​രി​യി​ലെ കൂ​ട്ട മാ​ന​ഭം​ഗ കേ​സ് സ്പെ​ഷ​ൽ ടീം ​രൂ​പീ​ക​രി​ച്ച് ഞാ​നാ​ണ് അ​ന്വേ​ഷി​ച്ച​ത്. പി​ന്നെ വാ​ള​യാ​റി​ലെ സ​ഹോ​ദ​രി​മാ​രു​ടെ ആ​ത്മ​ഹ​ത്യാ​കേ​സ് അ​ന്വേ​ഷ​ണം. അ​തെ​ല്ലാം വെ​ല്ലു​വി​ളി നി​റ​ഞ്ഞ​താ​യി​രു​ന്നു.

? ഏ​തു സ​മ​യ​ത്തും എ​ന്തും നേ​രി​ടേ​ണ്ടി വ​രു​ന്ന ഒ​രു ജോ​ലി. ഈ ​ജോ​ലി ശ​രി​ക്കും ആ​സ്വ​ദി​ക്കാ​ൻ സാ​ധി​ക്കു​ന്നു​ണ്ടോ

ശ​രി​ക്കും ആ​സ്വ​ദി​ക്കു​ന്നു​ണ്ട്. ടെ​ൻ​ഷ​നൊ​ക്കെ മ​ന​സി​ൽ ഉ​ണ്ടാ​കു​ന്ന​ത​ല്ലേ. ദേ​ഷ്യ​വു​മാ​യി പോ​ലീ​സ് പ​ണി മു​ന്നോ​ട്ടു കൊ​ണ്ടു പോ​കാ​നാ​വി​ല്ല. ഏ​തു പ്ര​ഫ​ഷ​ൻ ആ​യാ​ലും അ​തി​ന്‍റേ​താ​യ വി​ഷ​മ​ത​ക​ൾ കാ​ണും. അ​തൊ​ക്കെ ബാ​ല​ൻ​സ് ചെ​യ്ത് മു​ന്നോ​ട്ടു കൊ​ണ്ടു​പോ​കു​ന്ന​തി​ലാ​ണ് ന​മ്മു​ടെ ക​ഴി​വ്. ഒ​പ്പം ന​മ്മു​ടെ കു​ടും​ബ​ജീ​വി​ത​വും സ​ന്തോ​ഷ​ക​ര​മാ​ക്ക​ണം.

? ജോ​ലി​യി​ലെ ടെ​ൻ​ഷ​ൻ വീ​ട്ടു​കാ​രു​മാ​യി പ​ങ്കു​വ​യ്ക്കാ​റുണ്ടോ.

​ജോ​ലി​യി​ൽ ന​ല്ല ടെ​ൻ​ഷ​ൻ ഉ​ണ്ടാ​കാ​റു​ണ്ട്. അ​ത് വീ​ട്ടു​കാ​രു മാ​യി പ​ങ്കു വ​യ്ക്കും. അ​വ​രു​ടെ പൂ​ർ​ണ പി​ന്തു​ണ എ​നി​ക്കു​ണ്ട്.

? ര​വി​ശ​ങ്ക​റി​ന്‍റെ ജീ​വി​ത​സ​ഖി​യാ​യ​തെ​ങ്ങ​നെ

മാ​ട്രി​മോ​ണി​യ​ൽ സൈ​റ്റി​ലൂ​ടെ​യാ​ണ് ഞ​ങ്ങ​ൾ പ​രി​ച​യ​പ്പെ​ട്ട​ത്. മാ​ട്രി​മോ​ണി​യ​ൽ പ​ര​സ്യം ഇ​രു​വ​ർ​ക്കും ഇ​ഷ്ട​മാ​യി. പി​ന്നെ സം​സാ​രി​ച്ചു. ഇ​രു​വ​രും യൂ​ണി​ഫോം സ​ർ​വീ​സി​ലാ​യ​തു​കൊ​ണ്ട് ആ ​ജോ​ലി​യു​ടെ സ്വ​ഭാ​വം മ​ന​സി​ലാ​കും. ഇ​രു​വീ​ട്ടു​കാ​രു​ടെ​യും സ​മ്മ​ത​ത്തോ​ടെ​യു​ള്ള പ്ര​ണ​യ വി​വാ​ഹ​മാ​യി​രു​ന്നു. ഒ​രു വ​ർ​ഷ​ത്തി​ന​ക​മാ​ണ് വി​വാ​ഹി​ത​രാ​യ​ത്. അ​ദ്ദേ​ഹം ഊ​ട്ടി സ്വ​ദേ​ശി​യാ​ണ്. ഇ​പ്പോ​ൾ ഇ​ന്ത്യ​ൻ കോ​സ്റ്റ് ഗാ​ർ​ഡ് കൊ​ച്ചി​യി​ലെ ഡെ​പ്യൂ​ട്ടി ക​മാ​ൻ​ഡ​ന്‍റാ​ണ്.

? ഭ​ർ​ത്താ​വി​നെ​ക്കു​റി​ച്ച്

നി​ശ്ച​യ​ദാ​ർ​ഢ്യ​ത്തി​നു മു​ന്നി​ൽ പ്ര​തി​ബ​ന്ധ​ങ്ങ​ളെ​ല്ലാം തോ​റ്റു​പോ​കു​മെ​ന്നു വി​ശ്വ​സി​ക്കു​ന്ന ആ​ളാ​ണ് അ​ദേഹം. ഭാ​ര്യ​യു​ടെ ജോ​ലി​യി​ൽ അ​ഭി​മാ​നി​ക്കു​ന്ന വ്യ​ക്തി. വ​ള​രെ അ​ഡ്ജ​സ്റ്റ​ബി​ളും ആ​ണ്. ഞ​ങ്ങ​ളു​ടെ മോ​ൻ മ​ഗി​ഴ​ന് എ​ട്ടു​മാ​സ​മേ ആ​യി​ട്ടു​ള്ളൂ. അ​ച്ഛ​ന്‍റെ​യും അ​മ്മ​യു​ടെ​യും തി​ര​ക്കു​ക​ൾ മോ​നും അ​റി​യാം.

ഞ​ങ്ങ​ളു​ടെ വീ​ട്ടി​ൽ ആ ​ജോ​ലി പെ​ണ്ണി​നു​ള്ള​താ​ണെ​ന്നു​ള്ള വാ​ക്കു​ത​ർ​ക്ക​മൊ​ന്നു​മി​ല്ല. ഇ​ന്ന​ത്തെ ദി​വ​സം എ​ന്തൊ​ക്കെ കാ​ര്യ​ങ്ങ​ളു​ണ്ടാ​യി എ​ന്ന് ഞ​ങ്ങ​ൾ ഇ​രു​വ​രും ഷെ​യ​ർ ചെ​യ്യാ​റു​ണ്ട്. എ​നി​ക്ക് പ്ര​ധാ​ന ജോ​ലി​യൊ​ക്കെ വ​രു​ന്പോ​ൾ അ​ദേ​ഹം നേ​ര​ത്തെ​യെ​ത്തി കു​ഞ്ഞി​നെ നോ​ക്കും. കു​ടും​ബ​ത്തി​ന്‍റെ, പ്ര​ത്യേ​കി​ച്ച് ഭ​ർ​ത്താ​വി​ന്‍റെ പി​ന്തു​ണ​യാ​ണ് ഒ​രു സ്ത്രീ​യു​ടെ ജീ​വി​ത​ത്തി​ന്‍റെ വി​ജ​യം. അ​ത് എ​നി​ക്ക് വേ​ണ്ടു​വോ​ളം ല​ഭി​ക്കു​ന്നു​ണ്ട്.

? ഭാ​ര്യ​യു​ടെ​യും അ​മ്മ​യു​ടെ​യും റോ​ളു​ക​ൾ ഉ​ന്ന​ത പ​ദ​വി യി​ലി​രി​ക്കു​ന്ന​വ​ർ​ക്ക് പൂ​ർ​ണ​മാ​യും ആ​സ്വ​ദി​ക്കാ​ൻ സാ​ധി​ക്കു​ന്നുണ്ടോ

​തീ​ർ​ച്ച​യാ​യും. എ​ല്ലാം തു​ല്യ​മാ​യി കൊ​ണ്ടു പോ​കാ​ൻ ക​ഴി​യു​ന്നു​ണ്ട്.

? വ​ള​രെ ഉ​ത്ത​ര​വാ​ദി​ത്ത​പ്പെ​ട്ട ജോ​ലി. എ​ട്ടു മാ​സം പ്രാ​യ​മു​ള്ള കു​ഞ്ഞ്. എ​ങ്ങ​നെ​യാ​ണു കാ​ര്യ​ങ്ങ​ൾ മു​ന്നോ​ട്ടു കൊ​ണ്ടു​പോ​കു​ന്ന​ത്

മോ​ൻ മ​ഗി​ഴ​ൻ ഞ​ങ്ങ​ളു​ടെ തി​ര​ക്കു​ക​ളു​മാ​യി വ​ള​രെ​യ​ധി​കം അ​ഡ്ജ​സ്റ്റ് ചെ​യ്യു​ന്നു​ണ്ട്. എ​ന്‍റെ അ​മ്മ​യാ​ണ് കു​ഞ്ഞി​നെ നോ​ക്കു​ന്ന​ത്. വീ​ട്ടു​കാ​രു​ടെ​യും ഭ​ർ​ത്താ​വി​ന്‍റെ​യും പൂ​ർ​ണ​മാ​യ പി​ന്തു​ണ എ​നി​ക്കു​ണ്ട്. ലോ ​ആ​ൻ​ഡ് ഓ​ർ​ഡ​ർ കൈ​കാ​ര്യം ചെ​യ്യു​ന്ന​തു​കൊ​ണ്ടു കൃ​ത്യ​സ​മ​യ​ത്തു വീ​ട്ടി​ലെ​ത്താ​നൊ​ന്നും ക​ഴി​യി​ല്ല.

അ​ത്ത​രം സാ​ഹ​ച​ര്യ​ങ്ങ​ളി​ലെ​ല്ലാം ഭ​ർ​ത്താ​വ് കു​ഞ്ഞി​നെ നോ​ക്കും. ഏ​റെ നേ​രം കു​ഞ്ഞി​നെ കാ​ണാ​തി​രി​ക്കു​ന്പോ​ൾ എ​നി​ക്കും വി​ഷ​മ​മാ​ണ്. വീ​ട്ടി​ലെ​ത്തി മോ​നെ ക​ണ്ടു ക​ഴി​യു​ന്പോ​ൾ വി​ഷ​മ​ങ്ങ​ളെ​ല്ലാം മാ​റും.

? പ്ര​ധാ​ന​പ്പെ​ട്ട ഈ ​പ​ദ​വി​യി​ലി​രു​ന്നു കൊ​ണ്ട് എ​ന്തൊ​ക്കെ മാ​റ്റ​ങ്ങ​ൾ​ക്കാ​ണ് ശ്ര​മി​ക്കു​ന്ന​ത്

ജ​ന​ങ്ങ​ളും പോ​ലീ​സും ത​മ്മി​ലു​ള്ള ബ​ന്ധം മെ​ച്ച​പ്പെ​ടു​ത്താനാ​ണ് ശ്ര​മി​ക്കു​ന്ന​ത്. ജ​ന​ങ്ങ​ൾ​ക്ക് മി​ക​ച്ച സേ​വ​നം ന​ൽ​ക​ണം. ഒ​രു ആ​ശു​പ​ത്രി​യി​ൽ പോ​യാ​ൽ രോ​ഗി​ക്ക് മി​ക​ച്ച ചി​കി​ത്സ കി​ട്ടു​ന്നു. അ​തു​പോ​ലെ ഒ​രു പോ​ലീ​സ് സ്റ്റേ​ഷ​നി​ൽ പ​രാ​തി​യു​മാ​യി എ​ത്തു​ന്ന​വ​രു​ടെ പ്ര​ശ്ന​ങ്ങ​ൾ ഉ​ട​ൻ പ​രി​ഹാ​രം ന​ൽ​കി​യാ​ൽ പോ​ലീ​സി​നോ​ട് ജ​ന​ങ്ങ​ളു​ടെ ബ​ന്ധം കൂ​ടു​ത​ൽ ഊ​ഷ്മ​ള​മാ​കും.

എ​ന്‍റെ അ​ടു​ത്തു​വ​രു​ന്ന​വ​രോ​ട് അ​ത്ത​ര​ത്തി​ലാ​ണ് ഞാ​ൻ പെ​രു​മാ​റു​ന്ന​ത്. അ​ത് കു​ടും​ബ​പ്ര​ശ്ന​ങ്ങ​ളാ​യാ​ലും തൊ​ഴി​ൽ സം​ബ​ന്ധ​മാ​യ കാ​ര്യ​മാ​യാ​ലും മ​റ്റു​ള്ള​താ​യാ​ലും മി​ക​ച്ച സേ​വ​നം ന​ൽ​കാ​ൻ എ​പ്പോ​ഴും ശ്ര​മി​ക്കാ​റു​ണ്ട്.
കൊ​ച്ചി​യി​ലെ ഗ​താ​ഗ​ത​ക്കു​രു​ക്കാ​ണ് ഇ​വി​ട​ത്തെ പ്ര​ധാ​ന പ്ര​ശ്നം. അ​ത് പ​രി​ഹ​രി​ക്കാ​നു​ള്ള ആ​ക്ഷ​ൻ പ്ലാ​ൻ ത​യാ​റാ​യി വ​രു​ന്നു. മാ​സ​ങ്ങ​ൾ​ക്ക​കം ഗ​താ​ഗ​ത​ക്കു​രു​ക്കി​ന് പ​രി​ഹാ​രം ഉ​ണ്ടാ​കും.

സ്ത്രീ ​സു​ര​ക്ഷ​യ്ക്ക് പ്രാ​ധാ​ന്യം

കു​റ്റ​വാ​ളി​യെ നി​യ​മ​ത്തി​ന് മു​ന്നി​ൽ കൊ​ണ്ടു വ​രു​ന്ന​തി​നെ​ക്കാ​ൾ പ്രാ​ധാ​ന്യം കു​റ്റ​കൃ​ത്യ​ങ്ങ​ൾ സം​ഭ​വി​ക്കാ​നു​ള്ള സാ​ധ്യ​ത ഇ​ല്ലാ​താ​ക്കു​ക​യാ​ണ്. സ്ത്രീ​ക​ളും പെ​ണ്‍​കു​ട്ടി​ക​ളും ഇ​ട​വ​ഴി​ക​ളി​ലൂ​ടെ​യും മ​റ്റും ഒ​റ്റ​യ്ക്ക് സ​ഞ്ച​രി​ക്കു​ന്ന അ​വ​സ​ര​ത്തി​ൽ ക​ഴു​ത്തി​ല​ണി​ഞ്ഞി​രി​ക്കു​ന്ന ആ​ഭ​ര​ണ​ങ്ങ​ൾ മ​റ​യ​ത്ത​ക്ക രീ​തി​യി​ൽ സാ​രി/​ചു​രി​ദാ​റി​ന്‍റെ ഷാ​ൾ പു​ത​ച്ച് അ​തി​ന്‍റെ തു​ന്പ് ബ​ല​മാ​യി പി​ടി​ച്ചു ന​ട​ക്ക​ണം.

അ​പ​രി​ചി​ത രാ​യ ബൈ​ക്ക് യാ​ത്ര​ക്കാ​രോ മ​റ്റോ എ​ന്തെ​ങ്കി​ലും ആ​വ​ശ്യം പ​റ​ഞ്ഞ് അ​ടു​ത്തു വ​ന്നാ​ൽ ക​ഴു​ത്തി​ല​ണി​ഞ്ഞി​രി​ക്കു​ന്ന ആ​ഭ​ര​ണ ങ്ങ​ൾ ശ്ര​ദ്ധി​ക്ക​ണം. ഓ​ടി​ച്ചു വ​രു​ന്ന ബൈ​ക്ക് അ​രി​കി​ലേ​ക്ക് ചേ​ർ​ത്ത് നി​ർ​ത്തു​ക​യും പി​ൻ​സീ​റ്റ് യാ​ത്ര​ക്കാ​ര​ൻ സം​ശ​യം ചോ​ദി​ക്കാ​ൻ അ​ടു​ത്തേ​ക്ക് വ​രി​ക​യും ചെ​യ്താ​ൽ ബൈ​ക്കി​ന്‍റെ ന​ന്പ​ർ ശ്ര​ദ്ധി​ക്ക​ണം. നി​ർ​ത്തി​യി​രി​ക്കു​ന്ന വാ​ഹ​ന​ത്തി​ൽ നി​ന്നും ഏ​ക​ദേ​ശം മൂ​ന്ന്-​നാ​ല് അ​ടി മാ​റി നി​ന്ന് മാ​ത്ര​മേ സം​സാ​രി​ക്കാ വൂ.

​സ്ത്രീ​ക​ൾ ഒ​റ്റ​യ്ക്ക് താ​മ​സി​ക്കു​ന്ന വീ​ടു​ക​ളി​ൽ അ​പ​രി​ചി​ത​ർ വ​ന്നാ​ൽ വാ​തി​ൽ തു​റ​ക്കാ​തെ ജ​നാ​ല​യി​ൽ കൂ​ടി മാ​ത്രം ആ​ശ​യ വി​നി​മ​യം ന​ട​ത്ത​ണം. ഇ​ത്ത​രം വീ​ടു​ക​ളി​ൽ പ​ക​ൽ സ​മ​യ​ങ്ങ​ളി​ൽ പോ​ലും ഗേ​റ്റും പു​റ​ത്തേ​ക്ക് തു​റ​ക്കു​ന്ന വാ​തി​ലു​ക​ളും മ​റ്റും താ​ഴി​ട്ട് പൂ​ട്ട​ണം. പെ​ണ്‍​കു​ട്ടി​ക​ളെ ക​രാ​ട്ടെ-​ജൂ​ഡോ പോ​ലു​ള്ള ആ​യോ​ധ​ന ക​ല​ക​ൾ അ​ഭ്യ​സി​പ്പി​ക്കു​ന്ന​ത് പെ​ട്ടെ​ന്നു​ണ്ടാ​കു​ന്ന ആ​ക്ര​മ​ണ​ങ്ങ​ളി​ൽ നി​ന്നും ര​ക്ഷ​പ്പെ​ടു​ന്ന​തി​ന് സ​ഹാ​യ​ക​മാ​കും. ഇ​പ്പോ​ൾ പോ​ലീ​സ് സ്റ്റേ​ഷ​നു​ക​ൾ വ​ഴി സ്വ​യം​പ്ര​തി​രോ​ധ പ​രി​ശീ​ല​ന പ​രി​പാ​ടി​ക​ൾ ന​ട​ത്തു​ന്നു​ണ്ട്.

വ​ഴി​യ​രി​കി​ലോ ഒ​റ്റ​യ്ക്ക് സ​ഞ്ച​രി​ക്കു​ന്ന അ​വ​സ​ര​ത്തി​ലോ സ്ത്രീ ​ക​ൾ​ക്കെ​തി​രെ ഏ​തെ​ങ്കി​ലും ത​ര​ത്തി​ലു​ള്ള അ​തി​ക്ര​മം ഉ​ണ്ടാ​യാ​ൽ വി​വ​രം ഉ​ട​ൻ തൊ​ട്ട​ടു​ത്ത പോ​ലീ​സ് സ്റ്റേ​ഷ​നി​ലോ വ​നി​ത പോ​ലീ​സ് ഹെ​ൽ​പ്പ് ലൈ​നി​ലോ(1091), ജി​ല്ലാ പോ​ലീ​സ് ക​ണ്‍​ട്രോ​ൾ റൂ​മി​ലോ(100), പി​ങ്ക് പോ​ലീ​സി​നെ​യോ(1515) അ​റി​യി​ക്ക​ണം. ബ​ന്ധ​പ്പെ​ട്ട ന​ന്പ​റു​ക​ൾ കൈ​വ​ശം ക​രു​ത​ണം.

About Intensive Promo

Leave a Reply

Your email address will not be published. Required fields are marked *